الحقيقة النهاردة عندي موضوع زي الزفت .. حاجة تغم الصراحة
وهو موضوع عبير صبري ... حاجة تكسف الصراحة ..
قالوا ربنا هداها ولبست حجاب .. قلنا زين والله زين
وربنا يقويها ويثبتها ان شاء الله
وطلعت في سبعين برنامج تتكلم عن ازاي ربنا هداها وان الحجاب فريضة وازاي هيه كانت من الغافلين وازاي كان الشيطان بيلعب بيها وازاي وازاي وازاي و تدمع وتعيط وتخرب الدنيا
وفجاة يا اخويا قلعته ... اي والله قلعته
يسالوها ليه يا عبير .. تقول يا جماعة أنا عندي أسبابي
أسباب ايه دي يا أخوايا مش عارف
بس العصفورة جاتني وقالتلي لما واحدة تكون محتشمة و فجاة تظهر عندها أسباب تخليها تخرج بره حشمتها يبقي أكيد أسباب وجيهه
علي فكرة يا جماعة لا هو قلة شغل ولا انها قربت تشحت .. دي كانت بتقدم اكتر من 10 برامج علي قنوات فضائية .. غير ظهورها في برامج كتير وكله بحسابه
مين أصلا كان بيشوفها ولا يسمع عنها غير بعد ما اتحجبت .. للأسف الناس دي واخدة الدين سلعة
نيو لوك .. أستايل .. حاجة زي كده
الفنانة عبير .. ظهرت لاول مرة بشعرها ومن غير حجاب في برنامج البيت بيتك مع المحترم محمود سعد في حوار أقل حاجة نقولها عنه أنه سطحي
وبعدين خير اللهم أجعله خير كنت قاعد قدام التليفزيون وفجاة لقيها علي الشاشة مع فاعليات أفتتاح مهرجان القاهرة .. بالمناسبة بتعجبني أوي كلمة فاعليات .. نفسي أفهمها مش عارف
ما علينا
نلاقي مين الست عبير .. بتقولوا مين يا ولاد .. الست عبير
وطالعة ايه مش من غير حجاب بس .. لا دي من غير حاجات كتير .. ولابسة شال علي كتافها كل شوية ترفعه تداري بيها كتافها العريانة قال يعني مكسوفة
وطالع معاها واد كده أنما مش تمام ... مهو معلش مينفعش اقول راجل .. ايه ده انا قلت معلش
لا يا جماعة من غير معلش .. هو واد كده فرفور .. وفرفور دي بدل الكلمة اللي نفسي اقلها بس لظروف اعلامية بحته بلعت الكلمة
وأخينا ده طالع يمدح فيها وان عودتها للفن هي أضافة كبيرة للوسط وان وان وان
وربنا حليم ستااااااااااااار ولا عزاء للسيدات
منقول
موضوع: حاجة تكسف 
الثلاثاء ديسمبر 18, 2007 10:56 am
